Խաղողի տերևն  ունի զարմանալիորեն հագեցած քիմիական բաղադրություն` շաքար (2 տոկոս և ավելի), ինոզիտ, բետաին, կվերցետին, քոլին, դաբաղանյութ, բազմաչհագեցած ճարպեր, պրոտոկատեինային թթու։ Խաղողի տերևը (ըստ որոշ հեղինակների) պարունակում է մարդու օրգանիզմի` անհրաժեշտ մարգանեցի, բետա-կարոտինի գրեթե 100 տոկոսը, կալցիումի՝ 36 տոկոսը, մագնիումի՝ 23.3 տոկոսը, պղնձի 20.7 տոկոսը, երկաթի 14.7 տոկոսը, B2 վիտամինի 21.2 տոկոսը, B6-20 տոկոսը, B9՝ 22 տոկոսը, օրգանական թթուների լայն տեսականի, այլ օգտակար նյութեր։

Խաղողի տերևն ունի բարձր ֆերմենտատիվ ակտիվություն, հեշտությամբ է փոխանցում իր օգտակար նյութերը ջերմային մշակման ժամանակ։
Խաղողի տերևը, մատղաշ ճյուղերը և «բեղիկները» կանոնավոր ուտելու, դրանցից ստացված հյութը կամ թրմված սառը ջուրը խմելու դեպքում` արյունը և փայծաղը մաքրվում են կուտակված վնասակար նյութերից, տրոհվում են երիկամների և միզապարկի քարերը, լավանում է ուղեղի մատակարարումն արյունով, հստականում է բոլոր զգայարանների աշխատանքը, լավանում է սրտի աշխատանքը, բացվում է շնչառությունը, հանգստանում են նյարդերը։

Խաղողի տերևի հյութի և գինու խառնուրդով (1։1) բուժում են փայծաղի հիվանդությունները։

Խաղողի տերեւները լինելով  վիտամին A- ի աղբյուր, խաղողի տերևները հզոր բնական հակաօքսիդանտ են, որն օգնում է պահպանել և բարձրացնել մարդու դիմադրողականությունը, պաշտպանել մարմնի բջիջները շրջակա միջավայրի բացասական գործոններից, պաշտպանել ծերությունից:

Այս վիտամինի առկայության պատճառով խաղողի տերևները օգտակար են տեսողության համար, պայքարում են քրոնիկ հոգնածության դեմ:

Խաղողի տերևներից ճաշատեսակների հաճախ օգտագործումը օգնում է բարելավել մաշկի և մազերի որակը:

Խաղողի տերեւում առկա կալցիումից բացի, կարոտինը նույնպես բարենպաստ ազդեցություն է թողնում նյարդային համակարգի և մկանների վիճակի վրա:

Համարվում է, որ խաղողի միայն մեկ տերևը կարող է պաշտպանել կարիեսից

*Հակաօքսիդանտային ազդեցություն. վիտամին A-ի և այլ բաղադրիչների շնորհիվ օգնում են պաշտպանել օրգանիզմը վնասակար ազդեցություններից։

*Սրտի և ուղեղի առողջություն. պարունակում են նյութեր (օր.՝ ռեսվերատրոլ), որոնք նպաստում են արյան անոթների ճկունությանը և հիշողության բարելավմանը։

*Հարուստ քիմիական բաղադրություն. պարունակում են մանգան, կալցիում, մագնեզիում, պղինձ և երկաթ՝ ապահովելով օրգանիզմին անհրաժեշտ տարրեր։

*Խոհարարական կիրառություն. հայկական և այլ ազգային խոհանոցներում օգտագործվում են ոչ միայն տոլմայի, այլև աղցանների և ապուրների մեջ։ 

Ուշադրություն. չնայած օգտակար հատկություններին՝ որոշ հիվանդությունների (օրինակ՝ շաքարախտ, ստամոքսի խոց) դեպքում խորհուրդ է տրվում խորհրդակցել բժշկի հետ՝ նախքան դրանք բուժական նպատակով օգտագործելը։